विदर्भ न्यूज एक्सप्रेस
वृत्तसंस्था / मुंबई (Mumbai) : सीबीएसई बोर्डाच्या इयत्ता 10 वी आणि 12 वीच्या प्रात्यक्षिक परीक्षा 1 जानेवारीपासून सुरू झाल्या आहेत. तर थिअरीच्या परीक्षा 15 फेब्रुवारीपासून सुरू होणार आहेत.
CBSE ने गेल्या महिन्यात 10 वी, 12 वी बोर्ड परीक्षा 2024 साठी तपशीलवार डेटशीट जारी केली आहे. CBSE बोर्ड परीक्षा 2024 च्या डेटशीट संदर्भात एक मोठी बातमी समोर येत आहे.
सेंट्रल बोर्ड ऑफ सेकंडरी एज्युकेशन (CBSE) ने CBSE बोर्ड परीक्षा 2024 च्या डेटशीटमध्ये सुधारणा केली आहे. सुधारित वेळापत्रकानुसार बोर्डाने काही पेपरच्या परीक्षेच्या तारखांमध्ये बदल केले आहेत. हा बदल सीबीएसई बोर्ड इयत्ता 10 वी आणि सीबीएसई बोर्ड इयत्ता 12 वी या दोन्हींमध्ये करण्यात आला आहे.
CBSE वर्ग 10 चा तिब्बती पेपर जो 4 मार्च 2024 रोजी होणार होता तो बदलण्यात आला आहे आणि आता 23 फेब्रुवारी 2024 रोजी होणार आहे. तर इयत्ता 10 वीचा रिटेल पेपर जो 16 फेब्रुवारीला होणार होता तो आता 28 फेब्रुवारी 2024 रोजी घेतला जाईल.
त्याचप्रमाणे, 11 मार्च रोजी होणार्‍या सीबीएसईच्या 12 वीच्या फॅशन स्टडीजच्या पेपरची तारीख बदलण्यात आली आहे. आता फॅशन स्टडीजचा पेपर 21 मार्च 2024 रोजी होणार आहे. अशा परिस्थितीत, CBSE बोर्डाचे सर्व विद्यार्थी जे या वर्षी CBSE बोर्डाच्या परीक्षेला बसत आहेत ते बोर्डाच्या अधिकृत वेबसाइट cbse.gov.in वर जाऊन इयत्ता 10 वी आणि 12 वी बोर्ड परीक्षेचे सुधारित वेळापत्रक पाहू शकतात.
15 फेब्रुवारीपासून 10 वी, 12 वीच्या परीक्षा सुरू –
सीबीएसई बोर्डाच्या दहावी आणि बारावीच्या परीक्षा १५ फेब्रुवारीपासून सुरू होत आहेत. CBSE इयत्ता 10 वी बोर्ड परीक्षा 15 फेब्रुवारीपासून सुरू होईल आणि 13 मार्च 2024 पर्यंत चालेल. तर CBSE 12 वी बोर्डाची परीक्षा 15 फेब्रुवारीपासून सुरू होणार असून 2 एप्रिलपर्यंत चालणार आहे. CBSE 10 वी आणि 12 वी बोर्डाच्या दोन्ही परीक्षा एकाच शिफ्टमध्ये घेतल्या जातील. बोर्डाच्या परीक्षा सकाळी 10.30 ते दुपारी 1.30 या वेळेत होतील.
