विदर्भ न्यूज एक्सप्रेस
प्रतिनिधी / गडचिरोली (Gadchiroli) : गडचिरोली जिल्हयात अवैध अंमली पदार्थ तस्करी व इतर अवैध धंद्यांना आळा घालण्यासाठी पोलीस अधीक्षक नीलोत्पल यांनी कठोर कार्यवाहीचे निर्देश सर्व पोस्टे/उप-पोस्टे/पोमके प्रभारी अधिकारी यांना दिले आहेत.
काल १० सप्टेंबर २०२३ रोजी सपोनि मिथुन सिरसाट, पोलीस मदत केंद्र मुरुमगाव यांना गोपनिय बातमीदाराकडुन खात्रीशीर माहिती मिळाली की, अनोळखी इसम सिल्वर रंगाच्या होंडा सीटी कार क्र. एमएच-०४-सीएम-२५१२ मध्ये गांजा हे मादक पदार्थ बाळगुन छत्तीसगड राज्यातुन सावरगाव-मुरुमगाव मार्गे गडचिरोलीकडे येत आहेत. त्यावरुन मुरमगाव ता.धानोरा, जि गडचिरोली येथील कटेझरी जाणारा रोड समोरील बस स्थानकासमोर सापळा लावुन सदर कारला हात दाखवुन थांबवुन तपासणी केली असता कारमध्ये पिवळया रंगाची चुंगळी, सिल्वर रंगाची चुंगळी, पांढया रंगाची चुंगळी असे ०३ चुंगळयामध्ये एकुण १३८ किलो ५८० ग्रॅम वजनाचा अंमली पदार्थ (गांजा) अंदाजे किंमत १३ लाख ८५ हजार ८००/- रु. मिळुन आले.
सदर गुन्हयात वापरलेली चारचाकी वाहन सिल्वर रंगाची होंडा सीटी कार क्र. एमएच-०४-सीएम-२५१२ किंमत ७ लाख /- तसेच दोन आरोपीकडे मिळालेल्या मोबाईलची किंमत १३ हजार /- असे एकुण किंमत २० लाख ९८ हजार ८००/- रुपयेचा मुद्देमाल पोलीस मदत केंद्र मुरुमगाव येथे आणुन आरोपी १) उमर फैय्याज अहमद शेख, (२८) वर्ष, व्यवसाय – वाहन चालक, रा.कमला रमननगर बेंगनवाडी जवळ रजा चौक गोपाल इलेक्ट्रेशन गोवंडी मुंबई-४३, २)राकेश राजु वरपेटी, (26) वर्ष, व्यवसाय-मजुरी, रा. सिघ्दार्थ रहिवासी सेवासंघ, टाटानगर, शिवाजीनगर एसओ मुबंई-४३, ३) शहबाज सरवर खान, (२७) वर्ष, व्यवसाय-वाहन चालक, रा. बिहॉयंन्डीग बिल्डींग नंबर-५३ जवळ आचार्य कॉलेज सुभाषनगर चेंबुर मुंबई-७१ यांचे विरुध्द गुन्हा नोंद करण्यात आला आहे.
गडचिरोली पोलीस दलाच्या प्रभावी कारवाईमुळे माहे जानेवारी २०२३ ते आतापर्यंत एकुण ४१६ किलो ३५९ ग्रॅम अंदाजे ५१ लाख ९१ हजार ४८०/- रु. किंमतीचा गांजा जप्त करण्यास गडचिरोली पोलीस दलास यश आले आहे.
सदर गुन्हयाचा पुढील तपास पोमके मुरुमगावचे प्रभारी अधिकारी सपोनि मिथुन सिरसाट हे करीत आहेत.
सदरची कार्यवाही पोलीस अधीक्षक गडचिरोली नीलोत्पल अपर पोलीस अधीक्षक (अभियान) अनुज तारे अपर पोलीस अधीक्षक, अहेरी यतिश देशमुख तसेच उपविभागीय पोलीस अधिकारी धानोरा मयुर भुजबळ यांचे मार्गदर्शनाखाली पोलीस मदत केंद्र मुरुमगाव अधिकारी सपोनि मिथुन सिरसाट यांचे नेतृत्वात परि. पोउपनि राहुल चौधरी, पोहवा-नानाजी पित्तुलवार, पोअंम-दिलीप लंबुवार, पोअंम- तराचंद मोहुर्ले, पोअम-वाल्मीक कोटांगले, पोअंम-विनेश मांढरे, पोअंम-नितीन मडावी तसेचा राज्य राखीव पोलीस बल गट क्र. ०५ दौंड चे पोहवा-वैजीनाथ मदने, पोअंम-दिलीप काळे, पोअंम-दिपक जाधव तसेच सीआरपीएफ-११३ बटा. चे पो.नि. मोहनसिंग व त्यांचे सोबत इतर कर्मचारी यांनी पार पाडली.
