विदर्भ न्यूज एक्सप्रेस
प्रतिनिधी / नागपूर (Nagpur) : भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना सर्विस सिलेक्शन बोर्ड एस.एस.बी. या परीक्षेची पूर्व तयारी करून घेण्यासाठी छात्र पूर्व प्रशिक्षण केंद्र, नाशिक रोड, नाशिक येथे महाराष्ट्र शासनातर्फे महाराष्ट्रातील युवक व युवतीसाठी २० ते २९ नोव्हेंबर २०२३ या कालावधीत एस.एस.बी. कोर्स क्रमांक ५५ आयोजित करण्यात येत आहे. कोर्ससाठी निवास, भोजन आणि प्रशिक्षणाची निःशुल्क सोय करण्यात आली आहे.
नागपूर जिल्ह्यातील इच्छुक उमेदवारांनी सैन्य दलातील अधिकारी पदाची संधीचा लाभ घेण्यासाठी जिल्हा सैनिक कल्याण कार्यालय नागपूर येथे ९ नोव्हेंबर रोजी मुलाखतीस हजर राहावे. अधिक माहितीसाठी व आवश्यक कागदपत्रासाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांचा ईमेल आयडी training.petenashik@gmail.com, दूरध्वनी क्रमांक ०२५३-२४५१०३२ व भ्रमणध्वनी क्रमांक ९१५६०७३३०६ असून कार्यालयीन वेळेत प्रत्यक्ष अथवा दूरध्वनीवर संपर्क करावा, असे आवाहन जिल्हा सैनिक कल्याण अधिकारी यांनी केले आहे.
