– कार्यकर्ता हा प्रत्येक संघटनेचा आधारस्तंभ : आमदार विनोद अग्रवाल
विदर्भ न्यूज एक्सप्रेस
प्रतिनिधी / गोंदिया (Gondia) : जनता की पार्टी चाबी संघटनेच्या वतीने गोंदिया विधानसभा मतदारसंघात बुथस्तरीय बैठकांची सुरुवात करण्यात आली असून नुकतीच आमदार विनोद अग्रवाल यांनी सावरी पंचायत समिती अंतर्गत येणाऱ्या गावातील प्रमुख पदाधिकारी व कार्यकर्त्यांची बैठक घेतली.
बैठकीत आमदार विनोद अग्रवाल यांनी आगामी निवडणुका लक्षात घेऊन बुथनिहाय समिती स्थापन करण्याबाबत कार्यकर्त्यांना सूचना केल्या. दरम्यान, अनेक नागरिकांनी जनता की पार्टी चाबी संघटनेत प्रवेश घेऊन जनतेच्या सेवेची शपथ घेतली. यात जानकीप्रसाद बिसेन, होसलाल दमाहे, कमल नाईक, योगराज बिसेन, शिवाजी दमाहे, रवी बोपचे, राधेश्याम लिल्हारे, संजय तुरकर, दिनेश मानकर, मोहन मेश्राम, प्रमिला उके, ममता मेंडके, पूर्णिमा नाईक, संतोषी चौधरी, भगवंता लिल्हारे व निलवंता लिल्हारे यांचा समावेश आहे. आमदार विनोद अग्रवाल यांनी सर्वांचे दुपट्टा घालून स्वागत केले.
कामगार हा प्रत्येक संघटनेचा आधारस्तंभ असतो. कार्यकर्त्यांच्या बळावरच निवडणुकीत यश मिळते. त्यामुळे प्रत्येक कार्यकर्त्याने गेल्या ४ वर्षात केलेली कामे जनतेपर्यंत नेऊन सर्वसामान्य नागरिकांना वैयक्तिक योजनांचा लाभ मिळावा या दृष्टीने कार्य करण्याची, आवाहन आमदार विनोद अग्रवाल यांनी केले.
दरम्यान भाऊराव उके, छत्रपाल तुरकर, मुनेश रहांगडाले, जि.प. सदस्य ममता वाढीवा, टिटुलाल लील्हारे, जि.प. सदस्य दीपा चंद्रिकापुरे, पं.स. सदस्य शैलजा सोनवाने, महिला मोर्चा अध्यक्ष चैताली नागपुरे, महामंत्री रामराज खरे, उमाभाऊ तूरकर, विश्वनाथ रहांगडाले यांच्यासह मोठ्या संख्येने प्रमुख पदाधिकारी व कार्यकर्ते उपस्थित होते.
