चंद्रपूर जिल्ह्यात राहुल गांधी यांच्या प्रचार दौऱ्यानिमित्ताने प्रतिबंधात्मक आदेश

विदर्भ न्यूज एक्सप्रेस 
प्रतिनिधी / चंद्रपुर (Chandrapur) : भारतीय नागरीक सुरक्षा संहिता-२०२३ चे कलम १६३ (१) च्या अन्वये चंद्रपुर जिल्ह्यात १६ नोव्हेंबरला राहुल गांधी, लोकसभा विरोधी पक्षनेता, यांच्या प्रचार दौऱ्यासाठी प्रतिबंधात्मक आदेश जारी करण्यात आले आहेत. या आदेशानुसार, १६ नोव्हेंबर २०२४ रोजी दुपारी ८:०० ते रात्री १०:०० वाजेपर्यंत चिमूर येथील प्रचार दौऱ्याच्या कालावधीत कोणत्याही नागरिकांना बॉटल व अशा कोणत्याही प्रकारच्या वस्तू बाळगण्यास आणि फेकण्यास मनाई केली आहे, ज्यामुळे कार्यक्रमात अडथळा निर्माण होऊ शकतो.

सदर आदेश, चंद्रपुर जिल्हा पोलीस अधीक्षक तथा विशेष कार्यकारी दंडाधिकारी मुग्मका सुदर्शन यांच्या आदेशावर आधारित आहे. त्यांच्याद्वारे दिलेल्या निवेदनात स्पष्ट करण्यात आले आहे की, प्रचार दौऱ्याच्या दरम्यान मोठ्या प्रमाणावर नागरिक एकत्र येण्याची शक्यता आहे. याआधी देखील, अतिमहत्वाच्या व्यक्तींच्या दौऱ्यावेळी नागरिकांची गदारोळ आणि काही लोकांकडून गोंधळ उडवण्याचे प्रकार घडले आहेत. त्यामुळे कायदा व सुव्यवस्था अबाधित राखण्यासाठी आणि अशा प्रकारच्या अनुचित घटनांना टाळण्यासाठी हे आदेश लागू करण्यात आले आहेत.

या प्रकारच्या आदेशांचा उद्देश कायदा आणि सुव्यवस्थेची सुरक्षा आहे. त्यामुळे, १६ नोव्हेंबर २०२४ रोजी चिमूर येथील प्रचार दौऱ्यादरम्यान कोणतीही फेकली जाऊ शकणारी वस्तू, जसे बॉटल्स व इतर कोणत्याही वस्तू, नागरिकांना बाळगण्यास मनाई आहे, असे मुग्मका सुदर्शन यांनी सांगितले.

आदेशाचे उल्लंघन करणाऱ्यांवर फौजदारी कारवाई करण्यात येईल, असेही त्यांनी स्पष्ट केले आहे. तुमच्याकडून हा आदेश पाळला जावा आणि चंद्रपुर जिल्ह्यातील लोकांमध्ये शांतता आणि सुव्यवस्था राखण्यात मदत करा, असे आवाहन पोलीस अधिक्षकांनी केले आहे.