विदर्भ न्यूज एक्सप्रेस
प्रतिनिधी / गडचिरोली (Gadchiroli) : संकटग्रस्त महिलांना तातडीने मदत मिळण्याच्या उद्देशाने केंद्र शासनाच्या महिला व बाल विकास मंत्रालयाकडून सखी वन स्टॉप सेंटर ही योजना कार्यान्वित करण्यात आली आहे. सदर योजनेच्या निकषानुसार शारीरीक, लैगींक, भावनिक, मानसिक आणि आर्थिक शोषनाला बळी पडलेल्या अठरा वर्षापेक्षा कमी वयाच्या मुलीसह सर्व महिलांना आवश्यक ती मदत केली जाते. हिंसाचाराच्या विरोधात लढण्यासाठी एकाच छताखाली वैद्यकीय सेवा, कायदेशीर मदत व समुपदेशन, पोलीस मदत, तात्पुरती निवासाची सोय, मानसिक समुपदेशन, व्हिडिओ कॉन्फरन्सिंग सुविधा, रेस्क्यु सर्विसेस व आपतकालीन सेवा तात्काळ उपलब्ध करुन दिल्या जातात.
मानसीक विकलांग महिला कुरखेडा परीसरातील असुन ती अंध आहे. ती आपल्या आई, बहीण व भाऊ यांचे सोबत राहत होती. मात्र आई व बहीण हे दोघे आरोपी असल्याने मा. न्यायालय, कुरखेडा यांनी अपराध क्र. १४९/२०२३ मध्ये न्यायालयीन कोठडी आदेशीत केली व दोघी आरोपी मध्यवर्ती कारागृह चंद्रपुर येथे आहेत. त्यानंतर सदर पीडीताला सांभाळण्याची जबाबदारी तिच्या भावाकडे आली. परंतु सदर पीडीता ही अंध असल्याने तिचा भाऊ सांभाळ करण्यास सक्षम नसल्याने निदर्शनास आले. तेव्हा सदर पीडीताला सुरक्षीततेच्या दृष्टीकोनातुन काळजी आणि संरक्षणाची व निवासाची गरज असल्याने आम्ही आमच्या आरोग्यासाठी संस्था कुरखेडा व पोलीस स्टेशन कुरखेडा यांचे मार्फत सखी वन स्टॉप सेंटर गडचिरोली येथे दाखल करण्यात आले.
त्यानुसार पीडीता दाखल झालेपासुन वारंवार विचारपूस व समुपदेशन केले असता मानसीक विकलांग असल्याचे दिसुन आले. सदर पीडीता ही कुरखेडा हद्दीतील येत असल्याने पुढील कार्यवाहीच्या अनुषंगाने पोलीस स्टेशन कुरखेडा यांना पत्रव्यवहार करण्यात आले व मेन्टल हेल्थ ॲक्ट २०१७ नुसार पोलीस स्टेशन कुरखेडा यांचे मार्फत न्यायालय कुरखेडा यांचे समोर सादर करण्यात आले. तेव्हा मा. न्यायालय कुरखेडा यांचे आदेशान्वये सदर पीडीताची वैद्यकीय तपासणी करण्यासाठी जिल्हा सामान्य रुग्णालय, गडचिरोली येथे तीन दिवस देखरेखीखाली दाखल करण्यात आले. पीडीताचे वैद्यकीय उपचार पुर्ण झाल्यानंतर योग्यरीत्या पुनर्वसन करण्यासाठी पुनच्छ न्यायालय कुरखेडा यांचे समोर सादर करण्यात आले. तेव्हा पीडीताचे वैद्यकीय तपासणी अहवाल बघता न्यायालय कुरखेडा यांनी योग्य उपचाराकरीता प्रादेशीक मानसीक रुग्णालय, नागपुर येथे दाखल करण्याचे आदेशीत केले.
न्यायालय कुरखेडा यांचे आदेशान्वये व पोलीस स्टेशन कुरखेडा यांचे सहकार्याने तसेच सखी वन स्टॉप सेंटर मार्गदर्शक सुचना व योजनेच्या मुख्य हेतुनुसार पीडीताच्या सोयीनुसार सखी वन स्टॉप सेंटर, गडचिरोली मार्फत सदर मानसिक विकलांग महिलेला आवश्यक ती मदत करुन योग्य उपचाराकरीता प्रादेशीक मानसीक रुग्णालय, नागपुर येथे १२ ऑक्टोबर २०२२ रोजी पुनर्वसन करण्यात आले.
सदर कार्यवाही जिल्हा महिला व बाल विकास अधिकारी प्रकाश भांदककर यांचे मार्गदर्शनात व पोलीस निरीक्षक, संदीप पाटील, मपोउपनि कु. शितल आवचार, स्थानिक पोलीस स्टेशन कुरखेडा यांचे सहकार्याने तसेच समन्वयाने सखी वन स्टॉप सेंटर येथील सर्व अधिकारी / कर्मचारी यांच्या प्रयत्नाने पुर्ण करण्यात आले.
संपर्काकरीता पत्ता – महिला व बाल विकास विभाग, सखी वन स्टॉप सेंटर, गडचिरोली, पत्ता :- जुनी धर्मशाळा, जिल्हा सामान्य रुग्णालय परिसर, मुल रोड कॉम्प्लेक्स, गडचिरोली ई-मेल – oscgadchiroli१@gmail.com फोन नं. १९१३२-२९५६७५ महिला हेल्पलाईन क्रमांक :- १८१, ११२, १०९८, १०९१, १५५२०९
